Kreu i Grupit Parlamentar të Partisë Demokratike, Gazment Bardhi, ka reaguar ashpër ndaj kryeministrit Edi Rama për mënyrën se si ai ka komentuar rolin e Këshillit të Lartë të Gjyqësorit (KLGJ).
Bardhi i bën thirrje Ramës të kuptojë thelbin e funksionit të këtij institucioni dhe e kritikon për sulmet ndaj gjyqtarëve dhe prokurorëve, duke theksuar se roli i qeverisë nuk është të ndërhyjë në drejtësi, por të luftojë krimin dhe korrupsionin.
Edi Rama përpara se të “shtrembërojë” nga padija e thellë rolin e KLGJ, bën mirë të kuptojë rolin e tij:
– Është për të luftuar bandat, jo për ti ulur në qeverisje; ose je
– Është për ti shkatërruar ekonomikisht bandat, jo për ti dhënë licenca, tendera, koncesione apo leje ndërtimi;
– Është për të luftuar korrupsionin, jo për të ligjeruar atë përmes projekteve si inceneratorët që nuk ekzistojnë;
– Është për tu gjykuar nga prokurorët e gjykatësit; jo për ti gjykuar ai ato!
Prandaj bën mirë që përpara se të gjykojë gjyqtarë e prokurorë që nuk i vijnë pas avazit apo humorit të tij, të kujtohet se asnjë Kryeministër në Europë, nuk komenton e jo më të sulmojë gjyqtarë e prokurorë specifik për çështje specifike.
Dhe boll harxhoi kohën me çështje që as i kupton dhe as mundet ti kuptojë, sepse Edi Rama është gatur si “antiligji” dhe “anti interesi publik”!
