Një aksident i rëndë rrugor ka ndodhur mbrëmjen e sotme rreth orës 19:40 në aksin “Lezhë–Milot”. Dy automjete janë përplasur mes tyre, me drejtues përkatësisht R. D. dhe F. P.
Si pasojë e përplasjes, kanë mbetur të plagosur tre persona: pasagjeri në makinën e R. D., M. V., si dhe të dy drejtuesit e mjeteve.
Të plagosurit janë transportuar menjëherë drejt Spitalit të Traumës në Tiranë për ndihmë të specializuar mjekësore.
Grupi hetimor ndodhet në vendin e ngjarjes dhe po punon për zbardhjen e shkaqeve të aksidentit.
