Gazeta “INA” raporton se një 32-vjeçar me shtetësi suedeze, me qëndrim të përkohshëm në Dibër është sulmuar të enjten në mbrëmje në rrugën “Rruga e Gjerë” në Manastir nga disa të rinj rreth 20 vjeç. Sipas raportimit të tij në polici, të panjohurit i janë afruar dhe kanë tentuar t’ia heqin me forcë bluzën me simbolet e Shqipërisë.
Sekretari i përgjithshëm i ASH-së dhe kandidat për kryetar të Komunës së Sarajit, Blerant Ramadani,ka reaguar pas incidentit në Manastir.
“Sulmi në Manastir ndaj një qytetari suedez, vetëm pse u ngatërrua për shqiptar, është akt i papranueshëm dhe i turpshëm!
Dhuna mbi baza etnike është plagë e së kaluarës, e cila nuk mund të tolerohet në një shoqëri që synon standarde evropiane.
Drejtësia duhet të veprojë shpejt dhe qartë, për të treguar se askush nuk ndëshkohet për identitetin e tij, por respektohet si qytetar i lirë” shkruan ai.
