Kreu i Partisë Demokratike, Sali Berisha, u paraqit sot në ambientet e SPAK, në zbatim të masës së sigurisë “detyrim paraqitje” të vendosur nga gjykata.
Ai u prit jashtë nga mbështetësit dhe disa deputetë demokratë, me të cilët u përshëndet.
Berisha akuzohet për veprime të ndërmarra gjatë kohës si kryeministër, të cilat kanë favorizuar dhëndrin e tij, Jamarbër Malltezin, në ndërtimin e pallateve në truallin e ish-kompleksit sportiv Partizani.
Malltezi, gjithashtu i akuzuar për korrupsion dhe pastrim parash, dyshohet se ka përfituar në mënyrë të paligjshme rreth 5.4 milionë euro përmes këtij projekti, duke u mbështetur në vendime të qeverisë së drejtuar nga Berisha.
