Stërvitja “Zapad 2025”, në Rusinë perëndimore dhe Bjellorusi, ka ngritur shqetësime për sigurinë në shtetet fqinje anëtare të NATO-s: Poloni, Lituani dhe Letoni.
Gjermania nuk pret një sulm rus në territorin e një vendi anëtar të NATO-s nën maskën e stërvitjes së përbashkët ushtarake ruso-bjelloruse të planifikuar të mbahet nga 12 deri më 16 shtator, tha sot shefi i shtabit të përgjithshëm të mbrojtjes kombëtare gjermane, gjenerali Carsten Breuer.
“Nuk kemi as treguesin më të vogël se po përgatitet një sulm nën maskën e stërvitjes (ushtarake). Megjithatë, ne do të jemi në gatishmëri të lartë, jo vetëm forcat e armatosura gjermane, por edhe NATO (si një e tërë),” u tha Breuer gazetarëve në Berlin.
Presidenti bjellorus Aleksandër Lukashenko i mohoi kategorikisht thashethemet për një sulm të planifikuar ndaj një vendi fqinj nën maskën e ushtrimeve të përbashkëta ushtarake me Rusinë.
Sipas Ministrit të Mbrojtjes të Bjellorusisë, Zapad 2025 përfshin, ndër të tjera, ushtrime gatishmërie për përdorimin e mundshëm të armëve bërthamore dhe raketave hipersonike Oreshnik të prodhuara në Rusi.
