Ditën e sotme një aksident ka ndodhur në rajonin e Kosovës. Një grua 40 vjeç është përplasur për vdekje nga një veturë në fshatin Gjonaj.
“Me datë 02.09.2025, rreth orës 12:50, Policia e Kosovës ka pranuar një informatë për një aksident trafiku në fshatin Gjonaj, komuna e Prizrenit. Patrulla policore e Njësisë Rajonale të Trafikut Rrugor ka dalë menjëherë në vendin e ngjarjes dhe ka konstatuar se një këmbësore, M.H., rreth 40 vjeç, nga Kabashi i Hasit, ka humbur jetën si pasojë e aksidentit, pasi është goditur nga një veturë derisa ka qenë duke e kaluar rrugën.”, njofton zëdhënësi i policisë për rajonin e Prizrenit, Shaqir Bytyqi.
Ndërsa drejtuesi i makinës E.K., 28 vjeç nga Zymi i Hasit është dorëzuar në polici.
