Rusia ka sulmuar Ukrainën me një breshëri prej më shumë se 500 dronësh dhe raketash, duke synuar infrastrukturën civile dhe objektet e energjisë njoftuan autoritetet ukrainase.
Presidenti Volodymyr Zelensky tha se dhjetëra ndërtesa banimi u dëmtuan në rajone të ndryshme duke akuzuar Moskën për sulme ndaj civilëve dhe lagjeve urbane.
“Këto janë sulme demonstrative të Rusisë. Putini po tregon pandëshkueshmërinë e tij dhe kjo kërkon një përgjigje nga bota,” paralajmëroi Zelensky duke shtuar se mungesa e presionit ekonomik ndaj Rusisë lejon vazhdimin e agresionit.
Sulmet vijnë ndërsa udhëheqësit europianë përpiqen të forcojnë mbrojtjen e Ukrainës dhe të ringjallin përpjekjet diplomatike për paqe.
