Shefi i NATO-s, Mark Rutte ka paralajmëruar vendet anëtare të aleancës të mos tregohen naive kur bëhet fjalë për marrëdhëniet me Rusinë dhe presidentin Vladimir Putinin. Sipas mediave të huaja, Rutte e tha këtë gjë duke folur përkrah kryeministrit çek Petr Fiala.
“Për të gjithë ata që e shikojnë këtë, ju lutem, burra dhe gra, qytetarë të Republikës Çeke dhe të gjithë Evropës, Kanadasë dhe SHBA-së, le të mos jemi naivë në lidhje me Rusinë.”, tha ai.
“Ne e dimë se çfarë përpiqet të bëjë Putini dhe provat janë aty në Ukrainë, pikërisht tani që flasim”, shtoi Rutte.
