Një ngjarje shqetësuese ka ndodhur në Ballsh, ku një 17-vjeçare është vënë nën hetim nga policia për dhunë ndaj një 10-vjeçari.
Sipas njoftimit të Policisë së Fierit, shkak i konfliktit dyshohet të jenë motive të dobëta.
Ngjarja ndodhi më 3 shtator në lagjen “5 Shkurti”, kur 17-vjeçarja ndërhyri për të ndërprerë një konflikt mes 10-vjeçarit dhe vëllait të saj.
Por, në përpjekje për ta ndarë, ajo ushtronte dhunë ndaj të miturit, duke e kapur për fyti dhe duke e goditur me sende të forta në kokë.
Fëmija është dërguar për kontroll mjekësor në spital, ndërsa ndaj vajzës është hapur hetim penal dhe materialet janë dorëzuar në Prokurorinë e Fierit për veprime të mëtejshme.
