Krenar Gozhina, ish-zyrtar i prokurimeve publike në Shqipëri dhe i dënuar për shpërdorim detyre dhe shkelje të barazisë në tendera, është arrestuar në Canterbury, në jug të Anglisë.
Ai është dënuar me 1 vit e 6 muaj burg, por me dënim të shkurtuar duhet të vuajë 1 vit.
Gozhina u hetua nga SPAK për abuzime me tenderin e transportit të gardianëve të burgut të Lushnjës.
Arrestimi i tij u bë me kërkesë të drejtësisë shqiptare dhe po ndiqet procesi i ekstradimit, me kusht lirimi deri më 2 shkurt 2026.
Ai duhet të paraqitet tri herë në javë në stacionin e policisë dhe mban pajisje monitoruese elektronike.
Aktualisht në Londër po shqyrtohen edhe 12 kërkesa të tjera ekstradimi për shtetas shqiptarë të arrestuar në Angli.
