Deputeti britanik, Nigel Farage deklaroi para anëtarëve të Reform Uk se do të drekonte me kryeministrin e Shqipërisë për të folur rreth deportimit të kriminelëve të huaj.
Farage tha se pas disa javësh do të drekojmë me Edi Ramën. Ai u shpreh se do të rezervoj një avion shumë të madh dhe do të marri me vete edhe një ngarkesë.
“Ne do të deportojmë kriminelë të huaj. Do të shkoj për drekë pas disa javësh me kryeministrin e Shqipërisë. Mund të rezervoj një avion shumë të madh dhe të marr një ngarkesë me vete, nuk jam i sigurt ende. Ne do ta ndalojmë atë që është një kërcënim për sigurinë tonë kombëtare, atë që është një rrezik për vajzat dhe gratë në rrugët tona. Ne do t’i ndalojmë anijet dhe do t’i ndalojmë e deportojmë ata që hyjnë ilegalisht në vendin tonë, duke bërë atë që bën pothuajse çdo vend normal në të gjithë botën”, u shpreh Farage.
