Presidenti amerikan Donald Trump ka folur për ecurinë e negociatave të ndërmjetësuara për pengjet mes Izraelit dhe Hamasit.
“Jemi në negociata shumë të thella me Hamasin. U thamë: Lirojini të gjithë, menjëherë, të gjithë, dhe gjërat do të shkojnë shumë më mirë.” u përgjigj Trump gazetarëve në Zyrën Ovale.
Ai shtoi se nëse Hamasi nuk i kthen pengjet nga Gaza, “do të kemi një situatë të vështirë, do të bëhet e shëmtuar… është zgjedhja e Izraelit, por ky është mendimi im.”
Trump tha se nga të paktën 20 pengjet që besohet se janë gjallë, “disa mund të kenë vdekur së fundmi, kjo është ajo që po dëgjoj. Shpresoj të mos jetë e vërtetë.”
