Maqedonia e Veriut ka dhënë një sinjal të fortë për ambiciet e saj drejt Kupës së Borës, duke shkatërruar Lihtenshtejnin me rezultatin e thellë 5-0 në Shkup.
Me këtë fitore, “fqinjët” ngjiten në vendin e parë të Grupit J me 11 pikë pas 5 ndeshjesh dhe futen seriozisht në garën për kualifikim direkt.
Elif Elmas zhbllokoi sfidën në pjesën e parë, ndërsa në të dytën bardhekuqtë shpërthyen me gola nga Bardhi, Çurlinov, Qamili dhe Stankovski, duke vulosur një sukses të pastër.
Ndërkohë, Holanda vuajti jo pak në transfertën ndaj Lituanisë. Edhe pse në avantazh 2-0 me golat e Depay dhe Timber, “tulipanët” panë vendasit të barazonin shifrat, por Depay realizoi golin e dytë personal në pjesën e dytë, për të siguruar fitoren 3-2.
