Kryeministri britanik Keir Starmer ka reaguar pas sulmit ajror më të madh të Rusisë në Ukrainë që nga fillimi i luftës, i cili përfshiu edhe godinën e qeverisë në Kiev.
“Jam i tronditur nga sulmi i fundit barbar gjatë natës në Kiev dhe në të gjithë Ukrainën, i cili ka vrarë civilë dhe ka dëmtuar infrastrukturën”, deklaroi Starmer.
Ai theksoi se për herë të parë është goditur “zemra e qeverisë ukrainase”, ndërsa akuzoi presidentin rus Vladimir Putin se po vepron pa frikë nga ndëshkimi.
“Këto sulme frikacake tregojnë se Putini beson se mund të veprojë pa u ndëshkuar. Ai nuk e ka seriozisht paqen,” u shpreh kryeministri britanik.
