Ragip Gila 29-vjeçari që qëlloi me breshëri plumbash në një lokal pranë bashkisë së Shkodrës, duke lënë të vrarë dy persona dhe duke plagosur dy të tjerë.
Ai kishte pak muaj që kishte dalë nga burgu, pas një arrestimi në vitin 2023 për armëmbajtje pa leje.
Më 2023, Gila u arrestua gjatë operacionit “Imazhi Fals”, ku në banesën e tij u gjet një arsenal alarmues: 7 jelekë anti-plumb, 2 palë doreza, 3 maska, 2 paruke, municion luftarak, një kokore metalike, një armë gjuetie, dhe sende të tjera të paligjshme.
Po ashtu, u kap dhe një sasi e lëndë narkotike, e dyshuar si kanabis.
Pas kësaj, Gila u procedua për prodhim dhe shitje të narkotikëve, mbajtje pa leje e armëve luftarake, si dhe arme gjuetie.
