Rusia ka sulmuar me dronë hapësirën ajrore polake. Një dron rus ka goditur një shtëpi banimi në qytetin Wyryki Wola, rajoni i Lublinit, pranë kufirit me Bjellorusinë dhe Rusinë, raportuan mediat polake.
Nuk ka të lënduar, por shtëpia ka pësuar dëmtime në çati dhe strukturën e parkingut.
Kryebashkiaku Mariusz Zanko deklaroi se banorët dëgjuan shpërthimin dhe panë avionë luftarakë polakë duke patrulluar në zonë.
“Situata është mjaft e vështirë dhe shqetësuese; ka shqetësim vërtet të madh midis banorëve”, u shpreh ai për mediat.
