Hezbollahu i Libanit ka reaguar ndaj akuzave të kryeministrit izraelit, Benjamin Netanyahu, duke akuzuar Izraelin për shkelje të armëpushimit dhe duke paralajmëruar një përgjigje të fuqishme nëse shkeljet vazhdojnë.
Në një deklaratë, grupi shiit hodhi poshtë akuzat se veprimet e tij po kërcënonin armëpushimin mes Izraelit dhe Libanit.
“Sulmet tona ndaj trupave izraelite brenda Libanit janë një përgjigje legjitime ndaj shkeljeve të armëpushimit,” tha Hezbollah, duke theksuar se do të godiste fuqishëm çdo shkelje të mëtejshme.
