Presidenti i Federatës Shqiptare të Futbollit, Armand Duka pas fitores me Letoninë shkruan si ishte e vuajtur, por e rëndësishme për objektivin.
Duka shkruan gjithashtu se tani duhet të mendohet për ndeshjen e radhës.
“Një fitore ku vuajtëm shumë, por në fund morëm tre pikët që kishim si objektiv. Urime ekipit dhe stafit. Tani le të nisim të mendojmë menjëherë për ndeshjen tjetër.
Faleminderit tifozëve, që ishin të pranishëm në stadium, për mbështetjen fantastike që i dhanë ekipit”, shkruan Duka.
Shqipëria fitoi 1-0 ndaj Letonisë dhe renditet në vendin e dytë me 8 pikë, 1 më shumë se Serbia, në rrugëtimin për Botëror.
