Ilir Alimehmeti, deputet i Partisë Demokratike, komentoi kabinetin e ri qeveritar të prezantuar nga kryeministri Rama, duke thënë se realisht Rama i kontrollon të gjitha vendimet dhe emërimet.
Ai vuri në dyshim efektivitetin e ndryshimeve në kabinet dhe kritikoi mungesën e transparencës në procesin.
“Pak rëndësi ka kush emër është ministër, Rama i komandon të gjitha. Pastaj janë dhe zëvendësit. Edhe me ligjin e ri, firmat e vejnë drejtorët. Pamë dhe reagimet që askush nuk dinte asgjë. Vota politike ka rënë. Gjysma e ministrave duhet ta dinin ku ishin. Ky është një format bëje mirë bëje vetë”, tha Alimehmeti.
Po ashtu Alimehmeti foli për zgjedhjet në Tiranë dhe theksoi se çështja e kandidaturës opozitare do të diskutohet brenda strukturave të partisë, duke mos preferuar të japë detaje para se të ketë një vendim zyrtar.
