Një ngjarje e rëndë dhe misterioze ka tronditur Çikagon të shtunën kur në ujërat e liqenit Michigan u zbuluan tre trupa të pajetë një grua 31-vjeçare një djalë 6-vjeçar dhe një foshnjë vajzë.
Sipas autoriteteve, trupat e gruas dhe të djalit u gjetën rreth orës 14:30 në zonën South Hayes Drive ndërsa foshnja u zbulua më herët gjatë ditës në një pjesë tjetër të liqenit. Ekipet e shpëtimit konfirmuan vdekjen e tyre në vendngjarje.
Policia e Çikagos njoftoi se rastet lidhen mes tyre dhe po hetohen si pjesë e një çështjeje të dyshuar për konflikt familjar.
Identiteti i viktimave ende nuk është bërë publik, ndërsa hetimet vazhdojnë.
Ngjarja ka tronditur komunitetin dhe ka shkaktuar reagime të shumta në rrjetet sociale, ndërsa autoritetet punojnë për të zbardhur të gjitha rrethanat e kësaj tragjedie.
