Një person ka humbur jetën pasi mbi të ka rënë një lis gjatë kohës sa po priste dru në afërsi të oborrit në fshatin Manastirc të Ferizajt.
Në fillim ai është dërguar në qendrën emergjente dhe më pas në QKUK, ku mjeku kujdestar ka konfirmuar vdekjen.
“SHKAKTIM I RREZIKUT TË PËRGJITHSHËM- Manastirc, Ferizaj 13.09.2025-17:20. Raportohet se viktima mashkull kosovar derisa ka qenë në afërsi të oborrit duke prerë dru, një lis bie mbi viktimën dhe si pasoj, i njëjti pëson lëndime trupore dhe dërgohet fillimisht në qendrën emergjente, e më pas në QKUK, ku mjeku kujdestar konfirmon vdekjen e tij. Lidhur me rastin është njoftuar prokurorit, ndërsa trupi i pa jetë u lirohet familjareve për ceremoni mortore”, thuhet në njoftimin e policisë së Kosovës.
