Ministri i Jashtëm turk, Hakan Fidan i kërkoi bashkësisë ndërkombëtare të pranojë realitetet në Rripin e Gazës dhe ta mbajë Izraelin përgjegjës për krimet kundër njerëzimit si hapi i parë drejt një bote më të drejtë.
Fidan nënvizoi se Turqia dhe Italia nuk janë vetëm fqinjë në Mesdhe, por edhe aleatë të NATO-s dhe partnerë të G20-ës, duke theksuar se të dy vendet kontribuojnë në stabilitetin në Mesdhe dhe Afrikë.
“Gaza është prova e vërtetë për bashkësinë ndërkombëtare për të dalluar të drejtën nga e gabuara. Njohja e realitetit në Gaza dhe ekspozimi i krimeve të Izraelit kundër njerëzimit janë hapat e parë drejt një bote më të drejtë”, tha ai. “Nuk ka nevojë të ngurrojmë. Izraeli po kryen gjenocid në Gaza. Ne po i bashkojmë të gjitha vendet me ndërgjegje në anën e njerëzimit. Në këtë drejtim, mbështetja e hapur e Italisë do të jetë më e rëndësishme se kurrë”, shtoi Fidan.
