Pritet një javë e ngjeshur në Kuvend, në pritje të nisjes së kabinetit të ri qeverisës. Nesër do të mbahen dy seanca: e para në orën 10:00, ku do të konstituohet struktura e re dhe organet kryesore të Kuvendit, dhe e dyta në orën 17:00, ku do të votohet rritja e numrit të komisioneve në 11, me 7 të drejtuar nga PS dhe 4 nga opozita.
Të enjten paradite, do të prezantohet programi i qeverisë së re në një seancë maratonë. Më pas, presidenti Bajram Begaj pritet të dekretojë Këshillin e Ministrave, që do të votohet të premten, dhe trupa do të shkojë në Presidencë për betimin.
Drejtuesit e rinj janë si më poshtë:
Ulsi Manja – Kryetar i Komisionit për Çështjet Ligjore, Administratën Publike dhe të Drejtat e Njeriut
Igli Hasani – Kryetar i Komisionit për Politikën e Jashtme
Blendi Klosi – Kryetar i Komisionit për Veprimtaritë Prodhuese, Tregtinë dhe Mjedisin (Bujqësia)
Milva Ekonomi – Kryetare e Komisionit për Ekonominë dhe Financat
Bledi Çuçi – Kryetar i Komisionit për Sigurinë Kombëtare
Anila Denaj – Kryetare e Komisionit për Infrastrukturën dhe Burimet Natyrore
Damian Gjiknuri – Kryetar i Komisionit të Posaçëm për Reformën Zgjedhore
