Prokuroria e Korçës ka dërguar në gjyq mësuesin e artit B.D., i akuzuar për ngacmim seksual ndaj dy nxënëseve të mitura.
Ngjarja ndodhi në nëntor 2024, kur prindërit e vajzave të identifikuara si I.B. dhe A.K., denoncuan mesazhe me përmbajtje seksuale që mësuesi u dërgonte përmes WhatsApp-it.
Hetimi zbuloi se mesazhet kishin karakter ngacmues dhe shkaktuan ankth tek viktimat.
Prokuroria ka administruar prova, përfshirë ekspertiza teknike dhe dëshmitë e vajzave.
Mësuesi akuzohet për ngacmim seksual, një vepër penale me rrezikshmëri të lartë shoqërore, sipas Kodit Penal.
