Deputetja e Partisë së Lirisë Erisa Xhixho, ka bërë një deklaratë të fortë nga foltorja e Kuvendit të Shqipërisë, duke akuzuar shumicën për manipulimin e procesit të ndryshimeve në rregulloren e Parlamentit.
Xhixho, e drejtuar kryeparlamentarit Niko Peleshi, theksoi se ndryshimet e propozuara nuk erdhën nga ky institucion, por nga Asambleja Kombëtare e Partisë Socialiste (PS), një akt që, sipas saj, bie ndesh me frymën dhe principet e Kushtetutës.
“Ndryshimet që po diskutoheshin ishin një shkelje e hapur e Kushtetutës, për të cilën deputetët janë betuar. Ky proces është turp dhe fallco. Po manipulohet ligjërisht transparenca dhe ligjshmëria. Po ashtu, shkrirja e Komisionit të Integrimit është një hap mbrapa për Shqipërinë në rrugën e saj drejt Bashkimit Evropian. Ky komision ka luajtur një rol kyç në procesin e integrimit”.
