Nëntëmbëdhjetë tifozë të Atalantës u arrestuan në Paris pas përleshjeve që shpërthyen në mbrëmje, në prag të ndeshjes së Ligës së Kampionëve kundër PSG-së.
Incidentet ndodhën në zonën e qendrës Pompidou dhe Les Halles, ku u përfshinë ultras të të dyja skuadrave në një konflikt fizik në Rue des Lombards.
Disa nga të përfshirët, të maskuar, shkaktuan dëmtime materiale, ndërsa policia arrestoi 19 persona, disa prej të cilëve akuzohen edhe për përdorim armësh dhe dëmtime prone.
PSG njoftoi se personat e përfshirë nuk janë pjesë e grupit të tyre zyrtar ultras, CUP, dhe janë përjashtuar nga stadiumi për periudha të gjata.
