Qeveria britanike ka premtuar masa të reja për të ndaluar emigrantët që përdorin pretendime të vonuara për të shmangur deportimin.
Ministrja e Brendshme, Shabana Mahmood reagoi pasi një gjykatë në Londër pezulloi përkohësisht dëbimin e një azilkërkuesi nga Eritrea duke theksuar se do të mbrojë vendimet e qeverisë në çdo instancë.
Rasti i fundit ka rritur shqetësimet për skemën e re të deportimeve drejt Francës, ndërkohë që mbi 30 mijë emigrantë kanë mbërritur në Britani përmes Kanalit vetëm këtë vit.
Mahmood tha se pretendimet e befasishme për trafikim po minojnë sistemin ligjor dhe bujarinë britanike.
