Ish kryebashkiaku i Durrësit, Vangjush Dako vijon të jetë në spital. Ai mësohet se vuan nga aritmia, gjendje ankthi dhe hernie diskale.
Gjykata e Apelit e dënoi atë me 2 vite e 8 muaj burg. Atij i mbeten edhe 9 ditë burg për të vuajtur dënimin.
Policia shkoi në banesën e tij për ta shoqëruar drejt qelisë, po për shkak të problemit shëndetësor u dërgua në spitalin e Durrësit, i shoqëruar nga efektivë.
Mësohet se ekzekutimi i vendimit të dënimit po kryhet në ambientet e spitalit, ku ai do të qëndrojë deri në përfundim të afatit të burgut.
