Procesi gjyqësor i dosjes “Pumbi i Artë” është shtyrë për të martën në orën 10:00. Kjo për shkak se mungoi i pandehuri Altin Ndoci dhe dy avokatët e tij Elda Zotaj dhe Aldo Shkëmbi.
Gjithashtu në seancë munguan edhe disa të pandehur të tjerë që u përfaqësuan nga avokatët, që ishte Nuredin Dumani. Gjatë seancës, Enver Diva, i cili akuzohet për vrasje dhe sigurim kushtesh foli rfreth publikimit të audiove. Ai tha se është i pafajshëm.
“Kam një kërkesë për Top Channel që ka dhënë një emision dje, duke më nxjerr si vrasës me pagesë dhe nuk ka të drejtë një media të japë materiale të tilla kur prezumohem i pafajshëm, unë jam ku jam në gjykim, s’jam dënuar. Apo e keni shitur materialin, se Top Channel, Edi Rama e SPAK-u bashkë janë. Unë jam i pafajshëm, ju keni çuar kasetën atje”, tha ai.
