Në një tjetër moment të pazakontë, presidenti Donald Trump gjatë promovimit të suksesit të tij në përfundimin e disa konflikteve globale, ngatërroi sërish emrin e Shqipërisë me atë të Armenisë.
Ai i bashkoi udhëheqësit e Armenisë dhe Azerbajxhanit në Shtëpinë e Bardhë ku ata nënshkruan një marrëveshje për paqe pas dekadash konflikti në Nagorno-Karabak.
Por duke folur për këtë arritje, Trump e quajti Armeninë “Shqipëri” dhe Azerbajxhanin “Aberbajxhan”.
Kjo është hera e tretë që presidenti i SHBA-së bën gabime të ngjashme me emrat e vendeve në javët e fundit.
