Kryeministri Edi Rama ka prezantuar ministren e Brendshme, Albana Koçiun. Rama shprehet se Koçiu vjen me një profil dhe mision ndryshe.
“Vjen në krye të punëve të brendshme me një profil krejt tjetër dhe me një mision të qartë ta kthejë këtë ministri nga ajo e policisë sipas standardit shqiptar, në një ministr të punëve të brendshme të standardeve europiane”, tha Rama.
Ministrja Koçiu ka thirrur në takim kreun e përgjithshëm të Policisë së Shtetit Ilir Proda dhe drejtuesit e qarqeve.
