Gjykata e Posaçme kundër Korrupsionit dhe Krimit të Organizuar ka hedhur poshtë kërkesën e avokatëve të ish-presidentit Ilir Meta për një masë më të butë sigurie.
Avokati i ish-Presidentit, Kujtim Cakranin u shpreh se vendimi ishte politik, duke shtuar se të gjitha dosjet e liderëve të opozitës për çudi i bien vetëm gjyqtares së GJKKO, Irena Gjoka.
”Në kërkesën tonë kemi parashtruar disa vendime të gjykatës evropiane.
Të gjithë liderët e opozitës i bien për shqyrtim gjyqtares Irena Gjoka, e prisja këtë dhe e dija që do ta rrëzonte kërkesën.
I janë shkelur të drejtat politike, s’i është lejuar të bëjë fushatë edhe në ambientet e paraburgimit. Gjyqtarja s’dëgjon.
Ne do vazhdojmë në Apelin e GJKKO, shpresojmë që kjo gjykatë të ngrihet në lartësinë e duhur.
Ne do i shterojmë të gjitha gjykatat. Gjykata e Lartë është inekzistente në Republikën e Shqipërisë. S’ka dhenë asnjë vendim, as shqyrtim, vetëm mospraim rekursi” tha ai.
