Një krim i rëndë në familje ka tronditur sot qytetin e Selanikut ku një 50-vjeçar ka mbytur motrën e tij 59-vjeçare dhe më pas ka telefonuar vetë policinë për të rrëfyer vrasjen.
Ngjarja e rëndë ndodhi në një apartament në zonën Charilaou, ku sipas të dhënave paraprake, autori ka përdorur një qese për të kryer aktin.
Burri, i cili dyshohet se vuan nga probleme të shëndetit mendor, u arrestua në vendngjarje, ndërsa autoritetet kanë nisur hetimet për të zbardhur plotësisht rrethanat.
