Zëvendëskryeministri dhe Ministri i Jashtëm i Italisë, Antonio Tajani, ka deklaruar se presidenti rus Vladimir Putin nuk synon të nisë një luftë të re, por kërkon të tregojë forcën e tij përmes provokimeve.
Në një intervistë gjatë Festivalit të Hapur, Tajani komentoi incidentin e fundit me avionët rusë në hapësirën ajrore të Estonisë, duke theksuar se Rusia po teston reagimin e NATO-s.
“Situata është shumë e tensionuar, është e qartë se Rusia po e vë në provë reagimin e NATO-s dhe po angazhohet në provokime të papranueshme, por unë nuk besoj se Putini dëshiron luftë përkundrazi, ai dëshiron të demonstrojë forcën e tij, të provokojë dhe t’i bëjë njerëzit e tij të kuptojnë se Evropa është e dobët, gjë që nuk është” dhe “ai dëshiron të forcojë pozicionin e tij në Ukrainë për të arritur maksimumin e mundshëm’, tha ai.
