Deputetja e Partisë Demokratike, Albana Vokshi, është kallëzuar në Prokurorinë e Posaçme në fillim të shtatorit për korrupsion dhe pastrim parash nga një denoncues anonim me emrin “Nesti Angoni”, i njëjti që kishte kallëzuar kryebashkiakun Erion Veliaj.
Denoncimi, i cili është depozituar edhe në SPAK dhe iu dërgua edhe redaksisë së Shqiptarja.com, përfshin Vokshin, bashkëjetuesin e saj Arian Tartarin dhe motrën Mimoza Vokshi.
Ata dyshohen për abuzime me koncesione në sektorin e naftës dhe privatizime të dyshimta gjatë kohës kur Mimoza Vokshi ishte Drejtoreshë e Privatizimeve në Ministrinë e Ekonomisë.
