Një grua 62-vjeçare në Greqinë Qendrore u zbulua se kishte fshehur vdekjen e nënës së saj 91-vjeçare, për të vazhduar të përfitonte pensionin dhe pagesën e paaftësisë.
Sipas hetimeve, e moshuara kishte ndërruar jetë në verën e vitit 2023, por vajza nuk raportoi vdekjen dhe varrosi fshehurazi trupin në një stallë pranë shtëpisë, me ndihmën e një personi tjetër.
Pas dyshimeve të fqinjëve dhe kallëzimit në prokurorinë e Tebës, gruaja tentoi të mashtronte autoritetet duke paraqitur një tjetër grua si nënën e saj. Por nën presion, ajo pranoi dhe tregoi vendin ku kishte fshehur trupin.
Një zhvarrim i kryer në prani të oficerit gjyqësor konfirmoi praninë e një skeleti.
Rasti po hetohet nga autoritetet greke, ndërsa gruaja përballet me akuza për mashtrim dhe fshehje të vdekjes.
