Ish-kryebashkiaku i Durrësit, Vangjush Dako, u dënua me 2 vite e 8 muaj burg nga Apeli i Posaçëm për shpërdorim detyre.
Ditën e vendimit, ai u shtrua në spital për probleme shëndetësore, ku qëndroi nën mbikëqyrje policore.
Sot, policia e shoqëroi në burgun e Durrësit, ndërsa avokati thotë se Dako do qëndrojë aty vetëm 6 ditë, pasi pjesën më të madhe të dënimit e ka kryer në arrest shtëpie dhe pritet të dalë më 27 shtator.
Ai u akuzua për dy raste: miratimin e vonuar të lejes së ndërtimit për shoqërinë Fakle sh.p.k dhe për gabime në prokurimin e një projekti për Promenadën Bregdetare, ku fondi limit u llogarit gabim, thuajse 10 herë më shumë se duhet.
