Charles Kupchan nga Këshilli për Marrëdhënie me Jashtë në Uashington ka reaguar pas pezullimit të dialogut strategjik nga SHBA. Ai tha se nëse qeveria e Kosovës vazhdon që të dëmtojë marrëdhëniet me një aleat kaq të fortë si SHBA, do të ishte e papërgjegjshme dhe vetëshkatërruese.
“Mendoj se do të ishte e papërgjegjshme dhe vetëshkatërruese nëse Qeveria e Kosovës vazhdon të ndërmarrë hapa që dëmtojnë marrëdhënien me një vend që ka qenë një mbështetës aq i forte”, tha Kupchan.
Ai tha se sipas tij Kosova mund të ruajë marrëdhënie të mira me SHBA dhe Evropën vetëm përmes një qasjeje konstruktive në dialog.
“Kosova mund të mbajë marrëdhënie të mira me Evropën dhe ShBA-në vetëm nëse shihet se po negocion me mirëbesim dhe në mënyrë konstruktive, për të çuar rajonin përpara”, u shpreh Kupchan për Radio Evropën e Lirë.
