Policia e Tiranës ka arrestuar një 25-vjeçar, pasi akuzohet se ka kërcënuar një 23-vjeçare, për t’i dhënë para, nëpërmjet llogarive false që kishte hapur në rrjete sociale, me fotografitë e saj.
Brandi Kasmi banues në Burrel i kishte vjedhur 23-vjeçares kredencialet e llogarisë së saj në rrjete sociale dhe kishte hapur llogari të tjera false, me fotot/videot e saj, nga të cilat e kanoste për t’i dhënë para.
Në cilësinë e provës materiale u sekuestruan dy celularët me llogaritë false aktive në të. Ndërsa materialet procedurale iu referuan Prokurorisë së Tiranës, për veprime të mëtejshme.
