Në një shkollë në Francë ka ndodhur një sulm, ku një nxënës 14-vjeçar sulmoi mësuesen e tij 66-vjeçare me thikë në fytyrë.
Sulmi ndodhi mëngjesin e sotëm në Shkollën e Mesme Robert Schuman, në Benfeld, afër Strasburgut, vetëm disa kilometra larg kufirit gjerman.
Nxënësi goditi mësuesen në fytyrë, duke e plagosur rëndë. Më pas ai iku nga shkolla dhe u kap më vonë nga policia në një rrugë midis Benfeld dhe Huttenheim.
Gjatë arrestimit nxënësi u plagos në qafë dhe është dërguar më pas në spital me helikopter. Ndërkohë autoritetet kanë nisur hetimet për të zbuluar motivin e këtij sulmi.
