44-vjeçari Edoardo Sarchi biznesmeni italian u gjet i vrarë në vendin e quajtur Dilan mes Nivicës dhe Salarisë pak pas mesnatës. Ai i shoqëruar nga katër persona kishin dalë për gjueti, pasi kanë qëndruar në shtëpinë e Eqerem Braçes në Salari.
Policia ka shoqëruar katër personat, Eqerem Braçen dhe dy djemtë e tij Daniel dhe Gazment, si dhe i katërti i paidentifikuar.
Eqerem Braçe dhe dy djemtë janë pyetur katër herë pasi kanë dhënë dëshmi kontradiktore për ngjarjen. Një herë kanë folur për persona që u dolën para dhe u bënë pritë duke i qëlluar me armë. Më pas kanë thënë se e gjetën italianin në rrugë të vdekur, si dhe në një version tjetër se e panë të plagosur dhe u vdiq në duar.
