Kryeministri i Shqipërisë, Edi Rama ka folur për Gjykatën Speciale dhe procesin “Thaçi dhe të tjerët”.
Rama në një intervistë në Klan Kosova tha se “Nuk ka vullnet në Kosovë për të dalë me një rezolutë të Parlamentit të Kosovës, një rezolutë përtej partive politike të cilës ne do t’i bashkoheshim menjëherë ndaj Gjykatës Speciale dhe ndaj gjithë kësaj farse sepse ka shumë farsë në këtë mes”.
Kryeministri në lidhje me bisedat me ish presidentin Hashim Thaçi, tha se nuk dëgjohen shpesh.
“Hashimi dhe të tjerët dhe Parlamenti i Kosovës bënë një akt mirëbesimi. Nuk dëgjohemi shpesh [me Thaçin] por kam përshtypjen që ndjehemi gjatë gjithë kohës pa ndërprerje”, tha Rama.
