Presidenti i Ukrainës, Volodymyr Zelensky, ka parashikuar se Vladimir Putin mund të zgjerojë luftën e tij në Ukrainë duke sulmuar një vend tjetër evropian.
“Putin nuk do të presë të përfundojë luftën në Ukrainë. Ai do të hapë një front të ri. Askush nuk e di se ku, por ai e dëshiron këtë,” deklaroi Zelensky gjatë Asamblesë së Përgjithshme të OKB-së në Nju York.
Zelensky u shpreh se vendet anëtare të BE-së po përballen me vështirësi në reagimin ndaj këtij kërcënimi të ri dhe të rrezikshëm.
