Presidenti amerikan Donald Trump deklaroi se bisedimet për përfundimin e luftës në Gaza janë në “fazat e fundit” dhe shpreson që një marrëveshje të shpallet brenda dy ditëve, pas takimit të tij me kryeministrin izraelit Benjamin Netanyahu në Shtëpinë e Bardhë.
Në një intervistë për Axios, Trump tha se vendet arabe dhe Hamasi po bashkëpunojnë për arritjen e paqes dhe theksoi se plani i tij synon jo vetëm fundin e konfliktit në Gaza, por edhe paqe të qëndrueshme rajonale.
“Do të jetë një ditë e madhe për Lindjen e Mesme, nëse e arrijmë këtë,” u shpreh Trump.
