Presidenti i Shteteve të Bashkuara, Donald Trump, dënoi me ashpërsi sulmin e armatosur në Kishën e Jezu Krishtit në Grand Blanc, Michigan. Ai e përshkroi ngjarjen si një “sulm të synuar ndaj të krishterëve në Amerikë”.
Në një postim në platformën e tij, Trump njoftoi se agjencitë federale, përfshirë FBI-në, kanë nisur hetimet dhe do të mbështesin autoritetet lokale.
Ai theksoi se i dyshuari për sulmin ka ndërruar jetë, por hetimi vazhdon për të zbardhur të gjitha rrethanat.
Presidenti bëri thirrje për lutje në mbështetje të viktimave dhe familjeve të tyre dhe theksoi nevojën urgjente për të ndalur valën e dhunës në vend.
