Mbrojtësi i Kombëtares shqiptare, Ardian Ismajli, pësoi një dëmtim në kofshën e djathtë gjatë ndeshjes së Torinos kundër Parmës, duke u detyruar të largohet nga fusha në minutën e 77-të.
Lëndimi vjen në prag të ndeshjes kualifikuese të Botërorit ndaj Serbisë, duke krijuar pasiguri për pjesëmarrjen e tij.
Ismajli, 28 vjeç, i transferuar së fundmi te Torino nga Empoli, ka luajtur deri tani 3 ndeshje me skuadrën e tij të re. Analizat mjekësore do të përcaktojnë më shumë për gjendjen e tij.
