Së fundmi, në Tiranë u finalizua operacioni policor “Manovra”, që kishte si qëllim gjurmimin e pasurive të fituara në mënyrë të paligjshme.
Gjatë këtij operacioni u sekuestrua një “Lamborghini Urus” me vlerë rreth 160 mijë euro, i regjistruar në emër të një kompanie.
Automjeti i përket Sahit Shpataj, 34-vjeçar me precedentë penalë, i cili dyshohet se e kishte regjistruar makinën në mënyrë të qëllimshme për të fshehur origjinën e saj. Në hetim janë përfshirë edhe pronari i kompanisë ku ishte regjistruar mjeti.
Policia dhe prokuroria po vijojnë punën për të zbuluar dhe sekuestruar pasuri të tjera që mund të lidhen me këtë rast.
