Ambasadori gjerman në Tiranë, Karl Bergner, rikujtoi mbështetjen e Gjermanisë për Shqipërinë në rrugën drejt integrimit në BE.
Ai tha se “Gjermania qëndron fort pranë Shqipërisë si partner afatgjatë” dhe vlerësoi hapjen e pesë kapitujve në negociata, duke theksuar se “duhet të vazhdojnë reformat në drejtësi dhe luftën kundër korrupsionit”.
Bergner theksoi gjithashtu angazhimin e Gjermanisë për zhvillimin ekonomik të vendit dhe ftoi qytetarët të marrin pjesë në Javën e Kulturës Gjermane, që nis më 3 tetor në Tiranë, duke shtuar se kjo është një mundësi për të përjetuar “muzikë, film dhe atmosferë tradicionale”.
