Ish-ylli i Barcelonës dhe sulmuesi i njohur Thierry Henry ka shprehur kritika të forta ndaj skuadrës katalanase pas humbjes së tyre 2-1 ndaj PSG-së në Ligën e Kampionëve.
Henry e nisi analizën e tij me një kritikë për strategjinë e mbrojtjes, duke theksuar se linja e lartë mbrojtëse e Barcelonës e ekspozon ekipin ndaj sulmeve të kundërshtarëve të fortë, siç ishte PSG.
“Një linjë mbrojtëse kaq e lartë është e rrezikshme kundër ekipeve të forta. Kjo mund të të kushtojë shumë, dhe pikërisht kjo ndodhi në këtë ndeshje,” deklaroi Henry. Sipas tij, çdo gabim mund të shndërrohet në gol dhe Barcelona nuk mund të jetë kaq e ekspozuar në ndeshje vendimtare.
Ish-sulmuesi i njohur theksoi se, ndonëse trajnerët shpesh janë të ngurët për të ndryshuar strategjitë e tyre, këto vendime mund të kenë pasoja të rënda në ndeshje të rëndësishme.
