Gruaja e Erion Veliajt, Ajola Xoxa është paraqitur në ambientet e Prokurorisë së Posaçme kundër Korrupsionit dhe Krimit të Organizuar (SPAK) në zbatim të masës së sigurisë “detyrim paraqitjeje”.
Xoxa akuzohet për disa vepra penale të rënda, përfshirë: “Korrupsion pasiv i funksionarëve të lartë shtetërorë ose të zgjedhurve vendorë”, kryer në bashkëpunim në 9 raste; “Pastrimi i produkteve të veprës penale ose veprimtarisë kriminale”; si dhe “Fshehje ose deklarim i rremë i pasurisë, interesave privatë apo refuzim për deklarim”, nga persona me detyrim ligjor.
